Zoi Sadowski-Synnott nga Zelanda e Re, është fituese e medaljes së artë në Lojërat Olimpike Dimërore të Pekinit, në garën snowboard, në disiplinën slopestyle.
20-vjeçarja Sadowski-Synnott i solli vendit të saj medaljen e parë në histori të Lojërave Olimpike Dimërore. Zelandezja e Re bëri një punë të shkëlqyer në raundin e fundit të garës (92.88 pikë), e cila e largoi nga vendi i parë amerikanen Julia Marino, e cila në fund u mjaftua me një medalje të argjendtë. Medaljen e bronztë e fitoi australianja Tess Coady.
“Jam jashtëzakonisht krenare për gjithçka që kam pas dhe jam krenare si një zelandeze e re. Besoj se të gjithë zelandezët e rinj janë gjithashtu krenarë për mua.
Shpresoj që kjo medalje e artë të festohet tani.
Bëra maksimumin në ecurinë e fundit, shkova për gjithçka dhe për fat mora gjithçka”, tha ajo pas fitores.
