Prej rreth 60 vitesh Josif Muça punon me dru, pajisje të kuzhinës, vegla pune, objekte zbukuruese etj.
Gjithnjë e më rrallë në rrugët e Elbasanit të ze syri zanatçinj si Josifi i cili edhe pse 80 vjeç nuk i ndahet pasionit për zdrukthtarinë.
Edhe pse në pension prej shumë vitesh tashmë, ky profesion dhe pasion Josifin e ka mbajtur gjallë. Ai thotë se pajisjet e drurit preferohen sidomos nga të huajt.
Në kohën që na ka zaptuar plastika, Josifi thotë se pajisjet e drurit janë të pastra dhe jo të dëmshme, ndërkohë që me keqardhje vëren se zanatçinjtë po zhduken dhe shumë shpejt vendi do të ketë nevojë për punëtorë të rinj.
