Data 24 Qershor, është data kur do të mblidhen dy qeveritë, ajo e Kosovës dhe e Shqipërisë për një mbledhje të përbashkët.
Kjo mbledhje do të mbahet në Prishtinë.
Kosova tashmë është duke bërë të gjitha përgatitjet për këtë mbledhje.
Kryeministri Albin Kurti në mbledhjen e fundit u kishte kërkuar ministrave përkatës që draft-marrëveshjet t’i kenë të gatshme deri më 10 Qershor. Ende nuk është saktësuar numri i marrëveshjeve që pritet të nënshkruhen në këtë mbledhje.
Ndërsa nga 13 marrëveshjet e nënshkruara në mbledhjen e fundit të dy qeverive 8 prej tyre tashmë kanë arritur rezultate. Në proces të zbatimit janë edhe 4 marrëveshje të tjera për të cilat po punohet në aspektin teknik të tyre lehtësimin e procedurave të kalimit të kufirit në Vërmicë dhe studimi i fizibilitetit për segmentin hekurudhor Durrës-Prishtinë. Mbledhja e fundit e përbashkët ndërmjet dy qeverive ishte mbajtur në Elbasan në Nëntor të vitit të kaluar, ndërsa mbledhja e parë ishte mbajtur në Janar të vitit 2014./albeu.com
