Julian Nagelsmann nuk është më trajner i Bayern Munichut.
Vendimi është zyrtarizuar më 24 mars dhe arsye kryesore duket të ketë qenë raporti i zbehtë i trajnerit me disa lojtarë, edhe pse skuadra e kishte një seri triumfuese në krejt evenimentet.
Mediumi gjerman “Bild” e ka zbuluar listën e shtatë emrave, prej të cilëve thuhet se kanë ndikuar në vendimin e kryesisë për ta ndërruar trajnerin.
Mbi të gjitha, portierët Manuel Neuer e Sven Ulreich, të cilët nuk e përkrahën idenë e Nagelsmann për ta larguar trajnerin e portierëve, Toni Tapalovic.
Serge Gnabry ishte njëri prej lojtarëve që e kishte paralajmëruar largimin nëse në “Allianz Arena” do të vazhdonte të qëndrojë Julian Nagelsmann.
Trajneri e ka inkuadruar atë në lojë nga minuta e parë vetëm në 20 ndeshje në këtë edicion dhe Gnabry është mllefosur në trajnerin.
Kundër Nagelsmannit ishin edhe Sane, Musiala e Mane.
Dhe, befasisht edhe prurja e fundit, Joao Cancelo, i cili e kishte shfaqur pakënaqësinë që përfundoi në bankinë në ndeshjen vendimtare kundër Paris Saint-Germainit.
