Vllaznia do të ketë jo pak, por tri mungesa të sigurta në sfidën ndaj Tiranës.
Në këtë takim do të mungojnë sërish fantazisti brazilian Viktor da Silva, kapiteni Erdenis Gurishta dhe mesfushori Fjoart Jonuzi.
Këta dy të fundit kanë shlyer pezullimin, por janë të dëmtuar dhe nuk janë rikuperuar ende. Të tre janë lojtarë decizivë për kuqeblutë.
Pavarësisht se për Gurishtën shanset për t’u aktivizuar ishin të mëdha, sërish gjendja e tij nuk ishte maksimale dhe për këtë stafi mjekësor ka menduar se kapitenit i duhet ende kohë.
Nga ana tjetër një lajm i mirë është rikthimi i qendërmbrojtësit Mevlan Adili, që ka shlyer pezullimin dhe do të jetë në dispozicion të trajnerit gjerman, i cili në këtë mënyrë mund t’i rikthehet rreshtimit me tre në prapavijë.
Por po ashtu edhe rikthimi i Ardit Hoxhajt që pritet të jetë I gatshëm për teknikun Brdariç.
