Kanë përfunduar të gjitha ndeshjet e programit të sotëm të Superligës së Shqipërisë, ku kemi disa rezultate interesante.
Pas plot 90’ minutave lojë të zhvilluara në stadiumin “Loro-Boriçi”, Vllaznia e ka shkatërruar skuadrën e Teutës duke e mposhtur me rezultat bindës 4:0.
Golat për nikoqirët i shënuan Esin Hakaj (minuta e 21’), Kaina (minuta e 37’ dhe 90’) dhe Ardit Hoxhaj (minuta e 73’).
Po ashtu, fitore sot regjistroi edhe skuadra e Egnatias, e cila e mposhti si mysafire Kastriotin me rezultat të ngushtë 3:2.
Golat për Egnatian i shënuan Laurentino (minuta e 32’), Fernando (minuta e 61’) dhe Delarge (minuta e 66’), kurse për Kastriotin golashënues ishin Selmani (minuta e 36’) dhe Hasani (minuta e 57’).
Ndërkaq, ndeshja e vetme pa fitues ishte ajo mes Erzenit dhe Bylisit, ku rezultati final ishte i barabartë 1:1. Për vendasit golashënues ishte Sadiki (84’), kurse te Bylisi golin e shënoi Mucollari në minutën e 33’.
Rezultatet finale i gjeni më poshtë.
Erzeni 1:1 Bylis
Kastrioti 2:3 Egnatia
Vllaznia 4:0 Teuta
