Grupi parlamentar i VMRO-DPMNE-së dhe koalicionit Ripërtëritja për Maqedoninë, sot zyrtarisht dorëzuan Interpelancën për punën e kryetarit të Kuvendit, Talat Xhaferi. Kooridinatori Nikolla Micevski tha se kjo interpelancë është rezultat i kaosit që po ndodh në Kuvend dhe është nën drejtimin e Xhaferit dhe si pasojë e shkeljes më të shpeshtë të Rregullores, si dhe arbitraritetit që Xhaferi zbaton në legjislativ, i cili, sipas VMRO-DPMEN-së, rrezikon rëndë reputacionin e këtij institucioni.
NIKOLLA MIVEVSKI
“Në punën e deritanishme, gjegjësisht mospunë të Talat Xhaferit, si kryetar i Kuvendit, si asnjëherë më parë, skandale dhe poshtërime të deputetëve kanë ndodhur vetëm sepse padyshim që Xhaferi definitivisht nuk dëshiron apo nuk di të udhëheqë një institucion demokratik. I bëjmë thirrje të gjithë deputetëve të kësaj përbërje parlamentare që t’i bashkohen kësaj interpelance dhe së bashku t’i japim fund këtij njeriu që e ka përvetësuar këtë post dhe sillet sikur ka të drejtë të ofendojë, të shajë, të përçmojë dhe të mbyllë deputetët”.
Ndërsa, Elmi Aziri nga Aleanca për Shqiptarët, thekson se interpelanca e VMRO-DPMNE-es dhe koalicionit, janë vendime partiake. Aziri më tej tha se problemi kryesor i Talat Xhaferit është Aleanca për Shqiptarët, që sipas tij, ai tenton me çdo kusht ta bllokon partinë opozitare shqiptare në Parlament.
ELMI AZIRI-DEPUTET I ALEANCËS PËR SHQIPTARËR
“Dhe të gjitha këto manifestime që po i shohim kohëve të fundit, në një teatër i pa nevojshëm, sigurisht me rol kryesor zotri Talat Xhaferi, i cili ka për qëllim që ta zhvendos vëmendjen e opinionit, nga problemet e njëpasnjëshme, nga krizat e njëpasnjëshme, nga korrupsioni i madh, nga rritja permanente e çmimeve, nga paralajmërimet për rritje të reja, inflacionin në përgjithësi, dështimet e njëpasnjëshme të kësaj qeverisje, huazimet në vazhdimësi të kësaj qeverisje, 1.3 miliard është paralajmëruar borxhi i ri, dhe pos gjithë kësaj mungesës së suksesit”.
Elmi Aziri, mandej akuzon të parin e kuvendit, se është kryetar vetëm i deputetëve të shumicës parlamentare, por jo edhe i gjithë deputetëve.
Samir Mustafa /SHENJA/
