video taravari paralajmeron se sot ose neser do te finalizohet marreveshja 63e28be21531e

(VIDEO) Taravari paralajmëron se sot ose nesër do të finalizohet marrëveshja

February 7, 2023
min lexim

Grupet negociatore të LSDM-së dhe Aleancës për Shqiptarët kanë finalizuar pjesën dërmuese të marrëveshjes për përfshirjen e partisë së Arben Taravarit në Qeveri. Bisedimet për zgjedhjet kadrovike që do ta përfaqësojnë ASH-në në Ekzekutiv pritet të finalizohen më së voni deri nesër. Këtë e bëri të ditur kreu i partisë Arben Taravari duke iu përgjigjur pyetjes së gazetarëve se deri ku kanë kanë arritur negociatat, për çka ai tha se janë në përfundim të bisedimeve.

ARBEN TARAVARI, KRYETAR E ALEANCËS PËR SHQIPARËT

“Jemi nga përfundimi dhe mund të them se një pjesë dërmuese e marrëveshjes është arritur, besoj se sot ose nesër finalizohet definitivisht marrëveshja dhe atëherë do ta bëjmë publike, natyrisht edhe Qeveria edhe Aleanca për Shqiptarët”

Megjithatë, Taravari sot  nuk zbuloi se cilat dikastere dhe drejtori do t’i takojnë partisë së tij si pjesë e qeverisë. “Mendoj se duhet të përfundojë komplet marrëveshja dhe atëherë të flasim. Mendoj se do ishte jokorrekte të themi diçka dhe nesë të ndryshohet, kështu që kur të përfundojë gjithçka, i nxjerrim para qytetarëve”, deklaroi kreu i ASH-së, Arben Taravari.

Jozyrtarisht, negociatat zhvillohen kryesisht për Ministrinë e Drejtësisë dhe të Shëndetësisë. Eventualisht, nëse Alternativa lëshon pushtetin, ASH-ja kërkon plus Ministrinë e Ekologjisë ose Ministrinë e Shoqërisë Informatike. Kurse nëse nuk arrijnë ta marrin Shëndetësinë, ASH-ja këmbëngul për Ministrinë e Punës dhe Politikës Sociale. Pozitat e zv/ministrave të cilët janë në tavolinë të negociatave varen nga ministritë që do të marrin, por bisedimet zhvillohen kryesisht për zv/ministrin e Mbrojtjes, të Punëve të Brendshme dhe Punës dhe Politikës Sociale. Në fokus po ashtu është kërkesa për të menaxhuar Inspektoratin e Punës dhe Politikës Sociale dhe të Arsimit.

ASH-ja kërkon të udhëheqë dy nga këto institucione: Fondi Pensional, Fondi Shëndetësor ose MEPSO si dhe zhvillon negociata për pozitën e zv/drejtorit në Drejtorinë e Doganave ose në Drejtorinë e të Ardhurave Publike. Pasi grupet të arrijnë marrëveshje, pritet takim Kovaçevski – Taravari, takimi i cili mund të ndodh edhe gjatë ditës së nesërme. Sot është dita e tretë e bisedimeve intensive mes grupeve negociatore të LSDM-së dhe Aleancës për Shqiptarët. Medina Ajeti Ali /SHENJA/

MARKETING

RENT A CAR

asociacioni nuk kalon me kurtin kryeminister 63e28b67d37f7
Story i mëparshëm

Asociacioni nuk kalon me Kurtin kryeministër!

ia kishte rritur volumin kenges ukrainase policia ruse ndale shoferin e vetures ne moske 63e28d4e152ba
Story i radhës

Ia kishte rritur volumin këngës ukrainase, policia ruse ndalë shoferin e veturës në Moskë

Të fundit nga

Lezha hap zyrtarisht sezonin turistik 2025

Lezha ka hapur zyrtarisht sezonin turistik për vitin 2025, në një aktivitet festiv që mblodhi vizitorë të shumtë, si dhe përfaqësues dhe autoritete vendore si dhe ato të ardhur nga Kosova, Maqedonia
ShkoLartë