Guvernatorja e Bankës Popullore, Anita Angellovska-Bezhoska, vlerëson se qëllimi kryesor i politikës monetare gjatë pandemisë, është ruajtja e stabilitetit. Sipas Guvernatorës, megjithëse kriza energjetike dhe lufta në Ukrainë, janë të një natyre të ndryshme dhe kërkojnë një përgjigje dhe qëndrim të ndryshëm të politikës monetare, qëllimi përfundimtar është i njëjti – ruajtja e stabilitetit makroekonomik.
ANITA ANGELLOVSKA BEZHOSKA, GUVERNATORE E BANKËS POPULLORE
“Lehtësimi i politikës monetare ndihmoi në tejkalimin e goditjes së likuiditetit, në një kohë kur aktiviteti ekonomik ishte dukshëm më i ngadalshëm dhe tregjet financiare ishin të tendosura, Konteksti pozitiv është se ne kemi hyrë në këtë krizë me themele të shëndosha, me rezerva më të larta valutore, pa dalje të mëdha financiare dhe dalje kapitale, si dhe kemi pasur akses në depo nga Banka Qendrore Evropiane, pra akses në likuiditet valutor shtesë”.
Guvernatorja e Bankës Popullore, Anita Angellovska-Bezhoska, mori pjesë në panelin “Rishqyrtimi i rolit të bankave qendrore” në kuadër të Forumit të Evropës Qendrore dhe Lindore, organizuar nga “Euromani”.
Guvernatorja theksoi se situata aktuale sjell një sfidë shtesë për vendet me kurs fiks, nëpërmjet efekteve të tregut valutor. Banka Kombëtare, ashtu si bankat e tjera qendrore me një strategji të tillë monetare, duke ruajtur stabilitetin e kursit të këmbimit, kontribuon në uljen e presioneve inflacioniste në kushtet e ekspozimit të lartë ndaj importeve.
Samir Mustafa /SHENJA/
