Presidenti i klubit të futbollit Dukagjini nga Klina, Fabian Veseli, akuzon rëndë gjyqtarin e ndeshjes Gjilani – Dukagjini.
Gjilani ka shënuar fitore me rezultat 2:1 ndaj Dukagjinit, duke u kualifikuar në çerekfinale të Kupës së Kosovës.
Dukagjini fajëson gjyqtarin për humbje dhe eliminim të pamerituar.
“Nga minuta e 72-të e ndeshjes si për “rastësi” u ndërpre transmetimi.
Në 10 minutat e fundit të saj ndryshoj gjithçka sepse ishte e qartë se nga loja nuk realizohet dot skenari.
Nuk është çudi, ky gjyqtar është mësu që me 10 minuta me krye punë, edhe atëherë kur u zgjodhë më i miri.
Madje, as sot s’ju deshën më shumë minuta për me kthye borxhin për shpërblimin paraprakë.
Dukagjini hesht por nuk harron.
Nuk e ka harru as finalen e Kupës vitin e kaluar, e as dëmtimet e njëpasnjëshme në kampionat.
Por mbane mend, kur t’flet Dukagjini s’mundeni me përballu tërmetin”, ka shkruar Veseli në profilin e tij në facebook.
