Këngëtarja e njohur shqiptare, Vesa Luma, ka shprehur hapur kritikat e saj ndaj disa kolegëve të estradës që këndojnë ‘playback’ në skenat e mëdha të festivaleve vendore.
Ajo la të kuptohet se është fjala për festivalin “Sunny Hill” që po organizohet këto ditë në Prishtinë, e që njëherësh është festivali më i madh në Kosovë.
Përmes një postimi në InstaStory, Vesa Luma ka treguar pakënaqësinë e saj ndaj këngëtarëve që nuk shfrytëzojnë mundësinë për të performuar live në skena të tilla të rëndësishme. Ajo shpreh habinë e saj se si disa artistë ende preferojnë të këndojnë ‘playback’ edhe pas 10-15 vitesh karrierë, duke pyetur se çfarë kënaqësie mund t’u japë kjo performancë atyre dhe publikut.
“Unë akoma e kam të pa kuptueshme se si disa nga kolegët këngëtarë, nuk shfrytëzojnë të paktën skenat e mëdha të festivaleve, me e marr (e me jap kënaqësi) tu këndu live. Deri tash do të ishin mësuar 100 herë të performonin live… a nuk u lodhët pas 10-15 vjetësh edhe prapë e njëjta histori… çfarë kënaqësie ju jep sinqerisht mundohem shumë ta kuptoj…Mandej po kërkoni me ju jap merita më shumë e me ju trajtu njësoj si këngëtarët e huaj”, ka shkruar ndër të tjerash Vesa Luma.
Ajo gjithashtu kritikoi menaxherët e këtyre artistëve, duke i akuzuar se mbushin studiot televizive me artistët e tyre dhe shtyhen për famë. Vesa shprehu keqardhjen e saj për talentet e reja që përballen me këtë fasadë në industrinë muzikore.
“Me që ra fjala, menaxherët e juaj po i mbushin studiot televizive si ‘stara’ – i vetmi vend në botë ku menaxherët shtyhen me starat e tyre kush është më i famshëm. Mbrapsht komplet – po hajt mo… na falni për sinqeritetin e tepërt, se me këtë virozë pata mundësi gjithë natën me scroll… shumë shumë gjynah sidomos për talentet e reja që e përjetojnë këtë fasadë”, ka shtuar këngëtarja nga Prishtina.
Kjo deklaratë e Vesa Lumës ka ngjallur shumë reagime në rrjetet sociale, duke hapur një debat mbi performancat live dhe praktikën e ‘playback’ në skenat e festivaleve të mëdha.
Burimi: botasot.info
