Qytetarë të dashur të Republikës së Kosovës është ditur me kohë, siç kemi tërhequr vërejtjen në vijimësi, se mbulimi i çdo cepi të vendit me xhami islamiste si dhe pushtimi i Kosovës nga hoxhallarët turko arab, të cilët përveç shkatërrimit të identitetit tonë kombëtar, dërguan edhe rreth 400 të rinj shqiptar, në luftërat të huaja, të terroristëve të ISIS-it, në Irak e Siri, duke mos pushuar për 20 vjet, sharjet dhe mallkimet, kundër vlerave të shteteve më demokratike, nga Evropa deri në Amerikë, se këta shpejtë do ta armiqësojnë Kosovën me gjithë botën, dhe ja më në fund erdhi, madje shumë më shpejtë nga sa e kemi pritur, ky moment i hidhur, që ta shohim të gjithë se si Kosova jonë e dashur, që nga paslufta e këtej, kurrë nuk ka qenë më në rrezik se sot, për zhbërje të përhershme!
Ndaj në këto çaste dramatike nëpër të cilat po kalon Kosova jonë, kërkohet një reagim gjithëqytetar, brenda dhe jashtë vendit, për mbrojtjen e shtetit të Kosovës, kurse Qeveria, duhet të insistojë urgjentisht, të vendos kontakt të drejtpërdrejtë me Presidentin Joe Biden, pasi që, përveç përfaqësuesve evropian edhe ambasadorët dhe emisarët amerikan për Ballkanin, së fundi kanë dalë tërësisht jashtë kornizave të Letrës së Presidentit Biden, duke kërkuar edhe ata publikisht, formimin e “zajednicës” kundër kushtetuese serbe, dhe mos përmendur më marrëveshje gjithëpërfshirëse me njohje reciproke ndërmjet Kosovës dhe Serbisë, edhe pse vet presidenti Biden e theksonte, pikërisht njohjen e ndërsjellë, si pikën kryesore në letrën e tij!
Popull i dashur, qytetar dhe bashkëkombës të nderuar të Republikës së Kosovës, kudo që jeni, gjendja në veri të vendit tonë, të okupuar nga bandat kriminale serbe dhe terroristët rus, të organizatës “Wagner”, po shkon drejt eskalimit të përgjithshëm, plagosen policët tanë, gjuhen bomba, frikësohen qytetarët, digjen zyrat e KQZ-së, mbyllen rrugët dhe të gjithë ne heshtim, kjo nuk është në rregull, nuk është qëndrim korrekt, e nuk është as sjellje që përkon me situatën dhe realitetin kritik në terren, kur shteti ynë i shtrenjtë po rrezikohet me zhdukje, ndaj zgjohuni ti tregojmë botës se e duam vendin tonë, më shumë se çdo gjë dhe jemi në gjendje të flijohemi për të!
Kosova është atdheu ynë i vetëm, ne vend tjetër nuk kemi, është shumë e habitshme, se si për asgjë të parëndësishme, dhe kohë e pa kohë, nga persona të dyshimtë politik të partive të inkriminuara në sinkron me Vuçiqin, fare pa shkaqe thirrej për rrëzimin e Qeverisë, madje organizoheshin edhe protesta e demonstrata, të kamufluara me emërtime të “dhembshme”, qoftë nga Rrahman Jashari apo edhe nga kuazi-veteranët e Klinakut, po ashtu për ta rrëzuar qeverinë, por asnjëherë të vetme, nuk u reagua në mënyrë të organizuar edhe kundër ndërhyrjeve brutale të Serbisë, kundër shtetit tonë!
Ndaj, sidomos në këto momente të rënda, kur vendi, ndodhet në rrezik, heshtja nuk ka më, asnjë kuptim!
Mjaft më me heshtje, edhe qetësia e pakuptueshme dhe durimi ynë duhet ta ketë një fund dhe kufi!
Mjaft më edhe me ata rraka-taka, që e kanë sjellë vendin në këtë gjendje kaq të rëndë. Mjaft më me xhamia, fe islamiste, e hoxhallarë turko-arab, që tash e mbi dy dekada, në vazhdimësi, po na armiqësojnë me krejt botën demokratike, duke i kthyer edhe miqtë tanë më të mëdhenj ndërkombëtar, në “armiq” të përbetuar të shtetit tonë të brishtë, të cilët shkaku i tyre, kanë filluar t`ia kthejnë shpinën Kosovës dhe dalin publikisht në mbështetje të Serbisë.
Mjaft më edhe me analistë të shitur, banalistë ordiner e interpretues perfid dhe propagandist konfidencial të Serbisë, në Kosovë, të cilët sikur mos të mjaftonin politikbërësit e partive të inkriminuara që janë vënë publikisht, në mbështetje të kriminelit Aleksandër Vuçiq , edhe këta për ditë, e bëjnë të mirëqenë çdo veprim armiqësor dhe terrorist të Serbisë hegjemoniste, veçanërisht në veri, kundër shtetit të Kosovës.
Qytetar të dashur të Republikës së Kosovës, zgjohuni më në fund, nga mpirja letargjike, dhe kërkoni unifikimin e të gjitha forcave politike në vend, për mbrojtjen e Kosovës, nga atakimet kriminale e terroriste të Serbisë, sepse pas këtij moment kritik dhe kaq vendimtar, mund të bëhet shumë vonë për çdo gjë!
Kërkoni nga KFOR-i, NATO dhe SHBA, sa më zëshëm dhe me këmbëngulje, që pas 23 vitesh kaos e terror të vazhdueshëm, përfundimisht ta bëjnë dëbimin e të gjithë kriminelëve serb të luftës, të ardhur nga Republika srpska dhe Serbia si dhe të terroristëve rus të organizatës kriminale “Wagner” të futur ilegalisht në Veri të Kosovës, për përshkallëzimin e gjendjes, shkaktimin e gjakderdhjeve, pengimin e sovranitetit dhe pamundësimin e shtrirjes së shtetësisë së Kosovës edhe në këtë pjesë të pandashme të vendit tonë.
Drejtoni thirrjen tuaj të unifikuar dhe në mënyrë sa më të fuqishme NATO-s, KFOR-it, SHBA-ve dhe vendeve tjera mike nga BE, që nëse ata hezitojnë edhe më tej, ta spastrojnë veriun nga kriminelët dhe bandat terroriste të ardhura nga Republika srpska, Serbia dhe Rusia, të lejojnë Policinë Speciale të Kosovës, të zhbllokojë rrugët dhe të mos pengojë vendosjen e forcave të Ushtrisë së Kosovës, në veri, për mbrojtjen e kufijve tanë dhe tokave të shtetit të Kosovës.
Dhe përfundimisht bëjuani të gjithëve me dije, se përndryshe do rrezikohet ngritja e qytetarëve të frustëruar, brenda dhe jashtë Kosovës, për marshim kolektiv, në këtë pjesë të vendit tonë, prej nga përveç vrasjeve më makabre të dhjetëra qytetarëve dhe bashkëkombësve tanë, mëse 14 mijë shqiptar, janë shpërngulur me dhunë, nga bandat kriminale serbe, vetëm pas lufte nga Veriu i Kosovës, ku ata ende kanë themelet, shtëpitë dhe trojet e veta mijëravjeçare autoktone.
Kurse nga Qeveria e Republikës së Kosovës, kërkoni edhe njëherë më tepër, me këmbëngulje, që sa më parë dhe në mënyrë urgjente, të vendos kontakt të drejtpërdrejtë me Presidentin Joe Biden, pasi që kohët e fundit, përveç evropianëve edhe ambasadorët dhe emisarët amerikan për Ballkanin, shkojnë aq shumë larg, jashtë kornizave të Letrës së Presidentit Biden, sa që kanë filluar të kërkojnë publikisht, formimin e “zajednicës” kundër kushtetuese serbe dhe as që përmendet më, tani as nga ata, marrëveshje gjithëpërfshirëse me njohje reciproke ndërmjet Kosovës dhe Serbisë, edhe pse vet presidenti Biden e theksonte, pikërisht njohjen e ndërsjellë, si pikën kryesore në letrën e tij!
