Sulmuesi i Kombëtares së Kosovës, Vedat Muriqi, ka shënuar golin e fitores për Mallorca-n, me rezultat 2:1 ndaj Alaves-it, në takimin e javës së 33-të në elitën e futbollit spanjoll.
Në minutën e 45+4, Muriqi me vetëmohim të pashoq, brenda 16-shit, nga afërsia e në një pozitë shumë të vështirë shënon në shtyllën e dytë (të majtë) për 2:0.
Për Mallorca-n shënuan Prats (11’) e Muriqi (45+4) dhe për Alaves Raillo (72’-autiogol).
Muriqi u ndëshkua me karton të verdhë në minutën e 83-të.
Faqja e specializuar për statistika “Sofascore”, vlerëson Muriqin me notën 7.3.
Muriqi është lojtari më i mirë te Mallorca. Prats u vlerësua me notën 7.1, ndërsa te Alaves më i miri është Joselu me notën 7.4.
Mallorca renditet në pozitën e 16-të me 32 pikë e Alaves është i fundit me 25.
