Kuvendi sot do të mbajë vazhdimin e seancës së 64-të, në rend dite të së cilës është Projektvendimi për shkarkimin e anëtarit të Komisionit për Zgjedhje dhe Emërime, Fadil Zendeli nga BESA, të dorëzuar nga deputetët Talat Xhaferi, Jovan Mitreski, Goran Misovski, Dime Velkovski…
Rendi i ditës i seancës u votua mbrëmë pas debatit gjithëditor në të cilin deputetët e opozitës VMRO-DPMNE kërkuan pikën e parë të rendit të ditës – Projektvendimin për shkarkimin e anëtarit të Komisionit për Zgjedhje dhe Emërime, Fadil Zendeli, për të ndryshuar me pikat e tjera të rendit të ditës.
Ata e akuzuan për shkelje të Rregullores dhe thanë se mazhoranca kërkon që Zendeli të mos jetë më anëtar i Komisionit për Zgjedhje dhe Emërime, sepse i duhet shumicë për, siç thanë ata, vendime të dëmshme politike.
Shumica qeverisëse, nga ana tjetër, vlerësoi se duhet respektuar rregullorja dhe se orari i mandateve të deputetëve duhet të pasqyrohet në trupat punues të Kuvendit.
Në rend dite të seancës janë projektligjet për ndryshimin e Ligjit për Prokurorinë Publike, Ligjit për Këshillin e Prokurorëve Publikë dhe ndryshimin e Ligjit për Bujqësi dhe Zhvillim Rural, të tria me procedurë të shkurtuar dhe të dorëzuara nga deputetë të mazhorancës qeverisëse.
