Një valixhe e dyshimtë ka alarmuar policinë e Fierit.
Ngjarja u regjistrua pak minuta më parë. Gazetari Ervis Kuçi raporton për BalkanWeb se valixhja e braktisur është gjetur në qendër të Fierit. Policia ka vendosur perimetrin e sigurisë në këtë zonë.
NJOFTIMI I POLICISE
Në orën 10:30, jemi njoftuar se në lagjen “Apollonia”, Fier në anë të rrugës është konstatuar një valixhe e mbyllur.
Shërbimet e Policisë kanë vendosur perimetrin e sigurisë në vendngjarje dhe po verifikojnë rastin.
Janë njoftuar forcat xheniere për të kryer veprimet e mëtejshme.
