Konflikti, Ukrainë-Rusi ka goditur më së shumti fëmijët. Tani që konflikti po përhapet në të gjithë vendin, qindra fëmijë kanë mbetur pa akses në ujë, nuk janë të sigurtë dhe u mungon edhe energjia elektrike për shkak të dëmtimit të infrastrukturës.
“ UNICEF po punon për të forcuar rritur ndihmën humanitare në Ukrainën lindore dhe për ta zgjeruar atë në të gjithë vendin, në varësi të nevojave që lindin”, thonë nga Unicef.
Nga Unicef ftojnë fëmijët që të paraqiten tek ata, për tu siguruar ndihmë të menjëhershme, dhe për tu garantuar rrespektimin e të drejtave, sigurinë, shëndetin dhe arsimin.
“UNICEF ka siguruar tashmë transportin e sigurt të ujit të pijshëm me kamion në zonat e prekura nga konflikti dhe ofron kujdes urgjent humanitar dhe psikosocial. Në të njëjtën kohë, ajo punon me komunat për të siguruar që kjo ndihmë të arrijë tek fëmijët dhe familjet që kanë më shumë nevojë”, shtojnë nga Unicef.
