Në Ukrainë është duke u shënuar “Dita e Unitetit”, derisa frika që forcat ruse të vendosura në numër të madh në kufirin me ta mund të jenë gati për ta nisur luftën.
Presidenti Volodymyr Zelensky ka thirrur qytetarët që të valëvitin flamujt e shtetit dhe të vishen verdhekaltër – me ngjyrat kombëtare të Ukrainës, raporton BBC.
Flamujt janë parë jashtë shkollave, spitaleve dhe dyqaneve dhe njerëzit kanë kënduar himnin kombëtar dhe këngë të tjera patriotike për ta shënuar këtë ditë.
“Flamujt janë këtu për një qëllim, për të treguar se ne s’ia kemi frikën askujt. Ata nuk na frikësojnë”, tha një person që punon në një kafiteri të vogël.
Në anën tjetër një flamur i gjatë 200 metra është shtrirë në Stadiumin Olimpik Kombëtar.
