Ministri i Jashtëm i Ukrainës, Dmytro Kuleba, tha se Irani është informuar përmes kanaleve diplomatike për pasojat e dërgimit të armëve të reja të Teheranit në Rusi me dronë sulmues dhe raketa balistike.
Kuleba tha në një konferencë shtypi në Kiev se “kërcënimi është real” për dërgesat e reja të raportuara të armëve nga Irani.
Të martën, CNN raportoi se Irani po përgatitet të dërgojë afërsisht 1000 armë shtesë , duke përfshirë raketa balistike me rreze të shkurtër dhe më shumë dronë sulmues, në Rusi për t’i përdorur në luftën e saj kundër Ukrainës.
Irani ka mohuar vazhdimisht dërgimin e armëve në Rusi, pavarësisht dëshmive të qarta për të kundërtën.
