Kombëtarja e Kosovës nesër (e shtunë) do ta nisë ciklin kualifikues për Kampionatin Evropian “Euro 2024”, që do të mbahet vitin e ardhshëm në Gjermani.
Nesër, “Dardanët” do të ndeshen me Izraelin në udhëtim, me fillim nga ora 18:00.
Ekipi i Kosovës ka udhëtuar sot drejt Tel Avivit, atje ku ka mbajtur edhe konferencën e fundit për media para kësaj përballjeje.
Në konferencë u paraqit edhe portieri Samir Ujkani, i cili foli për qëllimin e Kosovës në këtë cikël kualifikues.
“Jemi gati për me arrit suksesin tonë, me jep maksimumin.
Qëllimi jonë është të mbledhim sa më shumë pikë për kualifikim historik”, tha Ujkani.
