Një ujëvarë mahnitëse e lartë deri në 52 metra në rajonin e Mesdheut të Türkiyes mirëpret turistët vendas dhe të huaj për një pushim të freskët gjatë ditëve të nxehta të verës, raporton Anadolu.
Ujëvara Uçansu ndodhet në rrethin Serik të Antalyas në Rivierën Turke dhe formohet nga takimi i përrenjve Habur dhe Bal.
Anadolu ka kapur pamje shumëngjyrëshe të ujëvarës, e cila tërheq vëmendjen e turistëve.
Doreen Staeck Moller, një turiste gjermane, tha për Anadolu se ajo bëri plan me miqtë e saj për të parë ujëvarën që pa në rrjetet sociale.
“Është vërtetë një vend me bukuri natyrore. Ne erdhëm posaçërisht për të parë këtë vend. Ujëvarat dhe pellgjet janë të bukura, të freskëta dhe freskuese”, tha ajo.
