Gjiganti spanjoll Real Madrid ka arritur marrëveshje që të nënshkruajë me tinejxherin e Shakhtar Donetsk, Vinicius Tobas, dhe lajmin e konfirmon “Goal”.
Vinicus do të largohet nga Shakhtari pa bërë asnjë paraqitje të vetme me skuadrën e parë, ku i ishte bashkuar klubit ukrainas nga Internacional në muajin janar.
Agresioni i ushtrisë së Rusisë në Ukrainë bëri që debutimi i mbrojtësit 18 vjeçar të shtyhet, pasi që futbolli në shtetin ukrainas është pezulluar deri në një datë të pacaktuar, kurse Reali tani ka shfrytëzuar këtë rast që ta transferojë Vinicius në radhët e tyre, ku këtë gjë e lejojnë rregullat e reja të transferimeve të UEFA-s.
UEFA është duke lejuar që çdo lojtarë i ardhur nga jashtë në ligat ruse dhe ukrainase të nënshkruajë një kontratë të re me një klub të ri pa paguar ndonjë dëmshpërblim deri në muajin qershor.
Tani “Goal” e ka konfirmuar që Vinicius ka arritur marrëveshje për një huazim të menjëhershëm te Reali për pjesën e mbetur të sezonit 2021/22, ku ylli brazilian do të përfshihet direkt në skuadrën e Castillas.
