Ka vdekur rrugës për në spitalin e Korçës një 76-vjeçar i cili u rrëzua në rrugë teksa ngiste biçikletën.
Policia ka bërë të ditur se janë duke u hetuar shkaqet e vdekjes, por dyshohet se ka ndodhur për shkaqe natyrale.
“Sot rreth orës 09:30, në lagjen nr. 17, Korçë, pranë vendit të quajtur “Kryqëzimi i Voskopit”, shtetasi B. D., 76 vjeç, banues në fshatin Ravonik, duke drejtuar një biçikletë, është rrëzuar në rrugë dhe gjatë transportimit për në spitalin e Korçës, ka ndërruar jetë”.
“Grupi hetimor po punon për sqarimin e rrethanave të ngjarjes dhe përcaktimin e shkaqeve të vdekjes, ku paraprakisht dyshohet për shkaqe natyrale”, thuhet në njoftimin e policisë.
