Personat që shihni në foto janë viktimat që humbën jetën dje tragjikisht në ujërat e liqenit të HEC-it të Banjës.
46-vjeçari Arben Zogu, bashkë me dy djemtë e tij, Ruben dhe Esti Zogu dhe nipin, Melsi Zogu, 20 vjeç, ishin futur për t’u larë në liqen, por nuk dolën të gjallë më prej tij.
Ata u nxorën të pajetë nga palombarët pas 90 minutash kërkime.
BalkanWeb ka siguruar fotot e viktimave, të cilët do të përcillen sot për në banesën e fundit mes lotëve dhe dhimbjes së madhe të familjarëve.
Nga hetimet paraprake, ka dyshime se viktimat kanë mbytur njëri-tjetrin, pasi nuk dinin not, ndërsa forcat e zjarrfikëses thanë se në këtë zonë ka gropa brenda liqenit që ishin bërë gjatë ndërtimit të HEC-it.
