Sa janë të rëndësishme SHBA-të, BE-ja dhe NATO-ja për Kosovën, aq është e rëndësishme edhe Kosova për SHBA-të, për BE-në dhe për NATO-n, sepse Kosova është fortesë besnike kundër depërtimit dhe shtrirjes së ndikimit të Rusisë nëpërmjet Serbisë në Kosovë dhe në Ballkan.
Thënia popullore filozofike shqiptare thotë, “Dëgjo dyzet vetë, e vepro si din vetë”, që donë të thotë se për vendime të vështira konsultoi miqtë, por përsëri vendos vetë.
Kosova duhet ta zbatojë vendimin, që targat e automjeteve të serbëve të Kosovës të vendosura në kohën e kriminelit Sllobodan Millosheviq, të zëvendësohen me targat RKS të Kosovës.
Për zbatimin e kësaj marrëveshje Kosovë-Serbi pati mjaft kohë qoftë për bisedime qoftë për vënien në zbatim.
Me kërkesë të shteteve të QUINT-it, dhe me vullnetin dashamirës të Albin Kurtit dhe të Qeverisë së tij, duke ua hequr edhe taksat serbëve të Kosovës për ndërrimin e këtyre targave, ky afat nga muaji gusht u shty edhe për dy muaj tjerë, deri më 1 nëntor 2022, kur edhe duhet të fillojë zbatimi i këtij vendimi.
Lojërave të pista të Serbisë dhe të kriminelit Aleksandër Vuiq duhet tu thuhet stop, dhe kthim prapa s’ka.
SHBA-të dhe BE-ja tani duhet ta kritikojnë Serbinë kriminale që i kërcënohet, që po e frikëson dhe manipulon me pakicën serbe në Kosovë, e cila i gëzon të drejtat dhe liritë e njeriut më shumë se çdo pakicë në botë, të drejta të garantuara me kushtetutën e Kosovës, gjë të cilën as për së afërmi nuk e gëzojnë shqiptarët që jetojnë në Serbi në Luginën e Preshevës.
Albin Kurti, Qeveria e tij dhe mbarë shqiptarët janë kombi më besnik dhe lojal ndaj SHBA-ve, BE-së dhe ndaj NATO-s.
SHBA-të, BE-ja dhe NATO i kanë interesat e tyre gjeostrategjike në Kosovë, ku e kanë vendosur edhe Bazën e tyre ushtarake strategjike BONDSTEEL.
SHBA-të, BE-ja dhe NATO-ja janë të vetëdijshme për rolin gjeostrategjik që e ka Kosova për ta.
SHBA-të, BE-ja dhe NATO-ja janë të vetëdijshme se Kosova është fortesë besnike kundër depërtimit dhe shtrirjes së ndikimit të Rusisë kriminale nëpërmjet Serbisë në Kosovë dhe në Ballkan.
SHBA-të, BE-ja dhe NATO-ja janë të interesuara jetësisht për ruajtjen e integritetit dhe të sovranitetit të shtetit të Kosovës, dhe nuk do të lejojnë kurrë më që në Kosovë të shkelën këmba e Serbisë kriminale.
Propozimi i SHBA-ve dhe i BE-së për shtyrjen edhe për 10 muaj të afatit për zbatimin e vendimit për targat, duhet parë vetëm si veprim diplomatik, sepse SHBA-të e BE-ja kanë edhe shumë mundësi më efikase për ta disiplinuar dhe zmbrapsur Serbinë kriminale, se sa ta lazdrojnë me shtyrjen e afateve të Kosovës për zbatimin të vendimit për vendosjen e targave.
Albin Kurti dhe Qeveria e tij duhet të jenë konsekuentë në qëndrimin për të mos i bërë më asnjë lëshim Serbisë kriminale në qëllimet e saj hegjemoniste ndaj Kosovës.
Kurti dhe Qeveria e tij duhet të jenë të vendosur stoikisht që të mos lejojnë në asnjë mënyrë, që Kosova të bëhet mish për top, sepse edhe SHBA-të edhe BE-ja edhe NATO-ja, janë të vetëdijshme për rëndësinë që ka për ta Kosova dhe për rëndësinë që kanë për ta mbarë shqiptarët.
