Një anëtar i lartë i organizatës terroriste YPG/PKK-së ishte në mesin terroristëve të “neutralizuar” në një operacion antiterrorist në veri të Sirisë, njoftoi Ministria e Mbrojtjes e Türkiyes, transmeton Anadolu Agency (AA).
Fehmi Muhammed ishte në mesin e dy terroristëve të neutralizuar në zonën e operacionit “Dega e Ullirit” të premten, tha ministria në një deklaratë.
Muhammed ishte i ashtuquajtur kreu i forcave çlirimtare të Afrinit të grupit terrorist.
Autoritetet turke përdorin termin “neutralizim” për të nënkuptuar se terroristët në fjalë janë dorëzuar, vrarë ose kapur.
Që nga viti 2016, Ankaraja ka nisur tri operacione të suksesshme anti-terroriste përtej kufirit të saj në veri të Sirisë për të parandaluar formimin e një korridori terrorist dhe për të mundësuar kthimin paqësor të banorëve: Mburoja e Eufratit (2016), Dega e Ullirit (2018) dhe Burimi i Paqes (2019).
Në fushatën e saj terroriste më shumë se 35-vjeçare kundër Türkiye-s, PKK – e listuar si një organizatë terroriste nga Türkiye, SHBA-ja dhe BE-ja – ka qenë përgjegjëse për vdekjen e më shumë se 40.000 njerëzve, duke përfshirë gra, fëmijë dhe foshnja. YPG është dega siriane e grupit terrorist.
