Forcat turke të sigurisë kanë neutralizuar 4 terroristë të PKK-së në provincën juglindore Diyarbakir, njoftoi sot ministri i Brendshëm i vendit, Ali Yerlikaya, raporton Anadolu.
Ai tha se njëri prej tyre ishte në listën e kuqe të të kërkuarve të Ministrisë së Brendshme, i dyti në listën portokalli dhe tjetri në listën gri. Në mesin e terroristëve të neutralizuar ishin Hulya Demirer, me emrin e koduar Axin Mus; Cihat Ay, me emrin e koduar Rohat Pasur dhe Cetin Temel, me emrin e koduar Demhat.
“Ne do të vazhdojmë luftën tonë me vendosmëri deri të neutralizojnë terroristin e fundit”, tha ministri Yerlikaya.
Autoritetet turke përdorin termin “neutralizuar” për të nënkuptuar se terroristët në fjalë janë dorëzuar, vrarë ose janë kapur.
Në fushatën e saj terroriste më shumë se 35-vjeçare kundër Türkiye-s, PKK, e listuar si organizatë terroriste nga Türkiye, Britania e Madhe, SHBA-ja dhe BE-ja, ka qenë përgjegjëse për vdekjen e mbi 40 mijë njerëzve, përfshirë gra, fëmijë dhe foshnja.
