Pak pasi sekretari amerikan i shtetit Marco Rubio deklaroi se “nuk e kishte parë kurrë presidentin duke fjetur në evente zyrtare”, një video që e tregon Donald Trumpin teksa dremit në Dhomën Ovale, pushtoi menjëherë rrjetin.
Videoja virale u regjistrua gjatë një takimi mbi qymyrin në Shtëpinë e Bardhë. Për dikë që ka fituar zgjedhjet duke e etiketuar kundërshtarin Joe Biden si “Sleepy Joe”, apo “Joe gjumashi”, pamje të tilla janë të pafalshme, ishin disa nga komentet në rrjetet sociale. Trumpi shihet aty teksa i ulur në tavolinë dëgjon një seri fjalimesh, e në disa momente mbyll sytë, dhe koka i rrëshqet në një anë.
Videoja është filmuar në 4 qershor, dhe u bë publi ke tani, mes jehonës së komenteve të Rubios në një seancë në Kongres ku e kishte mbrojtur me forcë Trumpin, duke theksuar madje me se “Përkundrazi, ai nuk fle fare. Problemi është se më telefonon në dy apo në pesë të mëngjesit”. Komediani Seth Meyers ia ktheu me ironi: “E besojmë këtë gjë. Sepse në fakt, Trumpi fle gjatë ditës”. Në mediat sociale reagoi edhe Hunter Biden, duke kujtuar talljet e Trumpit ndaj babait të tij, e duke folur për një klon të cilit harrojnë që t`i karikojnë bateritë.
Asistentët e kreut te shtetit reaguan shpejt, duke nënvizuar se sytë e tij në të vërtetë ishin hapur, dhe se situata në video është keqinterpretuar, teksa theksuan me forcë se Trump është presidenti më energjik në historinë e vendit, dhe gjithmonë i gatshëm për t`u përgjigjur.
Burimi: opinion.al
