Trump kritikon sërish Italinë: Nuk ishte aty kur ne kishim nevojë

Presidenti amerikan Donald Trump ka reaguar sërish me kritika ndaj Italisë, duke theksuar se ata nuk ishin aty kur SHBA kishte nevojë (për luftën në Iran).

Komentet Trump i ka bërë përmes një interviste për median italiane Corriere della Sera, ku tha se ai vetë dhe SHBA kanë qenë gjithmonë pranë Italisë.

“Italia nuk ishte aty kur ne kishim nevojë. Dhe unë kam qenë gjithmonë aty për Italinë, dhe kështu ka qenë edhe vendi im”, tha mes të tjerash Trump.Trump edhe më herët ka shprehur kritika ndaj Italisë dhe shteteve të tjera europiane, për mungesën e mbështetjes ndaj SHBA-së për luftën në Iran.Deklaratat e Trump erdhën një ditë pasi sekretari amerikan i Shtetit, Marco Rubio, kreu një vizitë në Itali ku u takua me Papa Leone XIV dhe kryeministren Giorgia Meloni.Kur u pyet nëse Italia mund të siguronte minahedhës pas armëpushimit në Iran, Trump përsëriti: “Italia nuk ishte aty kur ne kishim nevojë.”