Trepça eliminohet nga garat e Europe Cup në basketboll.
Gottingen ka shënuar fitore me rezultat 76:62 (29:13, 16:9, 15:26, 16:14),
ndaj Trepçës, në takimin e çerekfinales të Grupit A të Europe Cup.
Ndeshja u zhvillua në palestrën e sportit “Minatori” në Mitrovicë, në një atmosferë të bukur sportive.
Skuadra gjermane është kualifikuar dhe do të ndeshet me ekipin nga Portugalia, Sportingu nga Lisbona.
20 minutat e parë ishin fatale për mitrovicasit. Po të luante Trepça sikur në dy çerekët e fundit kundër gjermanëve, do të arrinte kualifikimin.
Në minutat e para gjermanët avancuan me 5:0, pastaj me 12:4 (4’). Çereku i parë përfundoi me 16 pikë dallim (29:13) në favor të skuadrës gjermane.
Çereku i dytë ishte po ashtu në favor të mysafirit dhe thellon epërsinë më 23 pikë 45:22.
Në çerekun e tretë, basketbollistët e Trepçës këndellen dhe ngushtuan rezultatin në 51:39 në minutën e 37-t.
Në minutën e 36-t, rezultati ngushtohet në 10 pikë (65:55). Dy minuta pa përfunduar takimi, rezultati në semafor 69:62.
Mysafirët shënuan fitore me rezultat 76:62.
Harald Frey me 18 pikë e Rayshaun Hammonds me 15 sosh, ishin më efikasit të skuadra gjermane dhe Adam Grant me 17 pikë të Trepça.
