Trajneri kroat, Branko Ivankoviq ka këmbëngulur se nuk është i gatshëm të marrë detyrën e trajnerit të ekipit kombëtar të Iranit për Kupën e Botës që do të mbahet në Katar dhe se, gjithashtu, ai nuk do të kishte asnjë lidhje me rastin po qe se kjo kombëtare do ta shkarkonte trajnerin tjetër kroat, Dragan Skociq.
Mediat iraniane kanë raportuar se trajneri aktual i kombëtares, Skocic është shkarkuar, por ende nuk është bërë zyrtare.
Por Ivankovic, i cili është ende i kontraktuar si trajner i Omanit dhe është një nga pesë kroatët që ka drejtuar Iranin, ka thënë se do të ndihej në pozicion shumë të vështirë sikur t’i kërkohej ta zëvendësonte patriotin e tij.
“Jam shumë i turpëruar. Gazetarët iranianë më kanë telefonuar gjatë gjithë ditës, është shumë e sikletshme që më kanë vënë në atë kontekst, sepse duket sikur po e rrëzoj Skocicin. Në Iran sa herë që ka ndonjë histori për trajnerin e ri, më përmendin mua dhe Carlos Queiroz.
Megjithatë, askush nga Federata iraniane nuk foli me mua dhe Omani ma ka zgjatur kontratën deri në vitin 2024″, ka thënë ai. “Pra nuk po punoj pas shpine. Nuk kam asnjë lidhje me shkarkimin e tij eventual”.
