Gjykata e Posaçme kundër Korrupsionit dhe Krimit të Organizuarka lënë në burg 6 nga 7 të arrestuarit për trafikim të makinave nga Kosova drejt Shqipëri.
Në seancën për masat e sigurisë, GJKKO vendosi “arrest me burg” për të gjashtë, ndërsa vendosi lirimin e policit të Kukësit Fatri Braha, duke e lënë në “arrest shtëpie”.
Polici dyshohet për shpërdorim detyre, se kaloi policen pa e regjistruar në TIMS, por jo si anëtar i grupit.
Operacioni u zhvillua të shtunën, 26 shkurt.
Si bëhej trafikimi:
Policia bëri me dije se shtetasi N. Sh., nëpërmjet lidhjeve të tij shoqërore në Kosovë, siguronte automjetet e vjedhura në këtë shtet.
Trafikimi i këtyre mjeteve bëhej nëpërmjet PKK Morinë, dhe kalimin e tyre, e kryente shtetasi F. B., me detyrë punonjës Policie në stacionin e Policisë Kufitare Morinë, i cili nuk i regjistronte mjetet motorike që kalonin.
Në cilësinë e provës materiale u sekuestruan 4 mjete, një shumë parash dhe 6 aparate celulare.
Materialet i kaluan Prokurorisë së Posaçme Kundër Korrupsionit dhe Krimit të Organizuar për veprime të mëtejshme procedurale.
