Autoritetet italiane kanë goditur dy grupe kriminale shqiptare që merreshin me trafik droge.
Mediat italiane bëjnë me dije se në kuadër të këtij operacioni janë arrestuar 18 persona ndërsa janë sekuestruar pasuri prej një vlere 2 milionë euro.
Në këto pasuri përfshihen makina, pasuri të paluajtshme dhe para cash.
Po ashtu në kuadër të këtij operacioni u sekuestruan 25 kg kokainë dhe 11 kg lëndë narkotike të llojit marijuanë.
Mësohet se këto dy grupe kriminale merreshin me trafikim droge në territorin e Venetos.
Në hetim janë përfshirë 33 persona të cilët operonin konkretisht në Venecia, Padova, Treviso dhe Verona ndërsa lidhjet e tyre arrinin deri më Lombardi.
