Toni Kroos u tërhoq disa muaj më parë, por shumë besojnë se ai mund ta fitojë Topin e Artë, pasi ka fituar praktikisht të gjithë trofetë dhe ka qenë shtylla e Realit të Madridit dhe Gjermanisë për shumë vite.
Ish-mesfushori ka dhënë një intervistë për “Telediario”, ku i është rikthyer episodit të diskutueshëm të dorës së Cucurellas në çerekfinalen e Kampionatit Evropian mes Spanjës dhe Gjermanisë:
“Të gjithë jemi dakord që mund të ishte dhënë një penallti? Ishte prekje me dorë, po? Spanja e meritoi titullin, asgjë nuk do të ndryshojë tani.”
Dalja në pension: “Jam shumë mirë. Nëse vendos diçka, është sepse jam i bindur për të, kështu që e bëj.
Kjo nuk do të thotë se nuk është e vështirë për mua. Në fund të fundit, gjithçka ka të bëjë me futbollin, ne vuajmë me gjëra të tjera në jetë.
Sigurisht që jam i lumtur që njerëzit flasin pozitivisht për mua dhe thonë se u mungoj.
Do të thotë se kam bërë diçka të mirë në këto dhjetë vjet në Madrid. Nuk kam asnjë dyshim se ata do të vazhdojnë të fitojnë”.
Topi i Artë: “Problemi im është se ky çmim nuk është i rëndësishëm për mua. Vinicius e meriton, Jude Bellingham e meriton, Carvajal e meriton… Nuk më intereson”.
Burimi: botasot.info
