Kompania londineze “Aethel Partners” është bërë ofertuesi i fundit për blerjen e kampionit evropian Chelsea, duke bërë një ofertë prej 3.1 miliardë eurosh, raporton “ESPN”.
Bëhet e ditur që propozimi përfshinë një investim prej 70 milionë eurosh për të mbrojtur klubin nga falimentimi, ku Chelsea është duke funksionuar me ndihmën e një licence të veçantë të lëshuar nga Qeveria e Britanisë së Madhe, e cila vuri sanksione të shumta drejt Abramowich për shkak të agresorit rus drejt Ukrainës.
Sipas burimeve të “ESPN”, oferta është bërë nga “Aethel Partners”, jo me ndihmën e ndonjë personazhi të famshëm ose ndonjë miliarderi.
Po ashtu, spekulohet se ka më shumë se 30 oferta për ta blerë kampionin evropian, ndër to familja Ricketts, të cilët janë pronarë të Chicago Cubs, dhe bashkëpronari i Los Angeles Dodgers dhe La Lakers Todd Boehly.
