Tërmet i fortë në Greqi, ja sa ishte magnituda

Një tërmet me magnitudë 5.1 të shkallës Rihter është regjistruar pasditen e sotme në një zonë detare në jug të Methonit.

Sipas zgjidhjes së rishikuar të Institutit Gjeodinamik të Athinës, epiqendra e tërmetit ndodhet në një zonë detare 18 km në jug-jugperëndim të Methonit me një thellësi fokale prej 9 km.

Sipas mediave greke, tërmeti u ndje në Patra, Kalamatë dhe zona të tjera të Mesinisë.

“Një tërmet i fortë sipërfaqësor pak minuta më parë me magnitudë 5.3 në zonën detare në jug të Pylos. U ndje pak në Atikë. Është shumë herët për të vlerësuar nëse ishte tërmeti kryesor apo jo. Zona ka potencial të lartë sizmik.

Tërmeti më i fundit i madh ndodhi atje më 14.2.2008 me një magnitudë 6.6″, shkroi sizmologu Gerasimos Papadopoulos në një postim.