Alarmi i kuq për nxehtësinë ekstreme është në fuqi në shumicën e qyteteve kryesore të Italisë, ndërsa vala e të nxehtit po intensifikohet në Evropë. Temperaturat pritet të arrijnë kulmin të mërkurën, me 23 qytete të cilat kanë shpallur gatishmëri të lartë – nga Trieste në veri-lindje deri në Messina në jug-perëndim.
Paralajmërimet nënkuptojnë se nxehtësia përbën një kërcënim për të gjithë, jo vetëm për grupet e ndjeshme.
Zjarret po shpërthejnë gjithashtu në të gjithë kontinentin, duke përfshirë Greqinë dhe Alpet Zvicerane. Miliona njerëz në hemisferën veriore po preken nga temperaturat përvëluese. Nxehtësia parashikohet të zgjasë deri të mërkurën në pjesën më të madhe të Evropës jugore, pas disa ditësh temperaturash mbi 40C (104F).
Shumë ndërtesa në ishullin e Sicilisë nuk janë të pajisura për t’u përballur me temperaturat kaq të larta. Shumë familje jetojnë në katin e parë, në apartamente me shumë pak dritare dhe është e zakonshme që familjet e mëdha të jetojnë së bashku në hapësira të vogla.
Burimi: GAZETA.MK
