Teleskopi hapësinor Hubble ka kapur dritën që nisi udhëtimin e saj 250 milionë vite më parë, nga galaktika spirale UGC 11397, e vendosur në yjësinë Lyra. Kjo do të thotë se ne po e shohim këtë galaktikë ashtu siç ishte menjëherë pas zhdukjes së dinosaurëve nga planeti Tokë.
UGC 11397 ngjan me një galaktikë spirale tipike me dy “krahë” të harkuar të mbushur me yje dhe rripa të errët pluhuri ndërmjet tyre. Por ajo që e dallon këtë galaktikë është bërthama e saj misterioze: aty fshihet një vrimë e zezë supermasive, me një masë 174 milionë herë më të madhe se ajo e Diellit.
Kur rreth kësaj vrime të zezë mblidhen lëndë gaz, pluhur apo madje edhe yje ato ngrohen në nivele ekstreme, duke emetuar rrezatim që shkon nga rrezet gama dhe rrezet X, deri te valët radio. Pluhuri i dendur përreth e pengon dritën e dukshme të arrijë tek ne, por rrezet X arrijnë të depërtojnë, duke i dhënë astronomëve një “pamje përmes errësirës”.
Për këtë arsye, UGC 11397 është klasifikuar si një galaktikë e tipit Seyfert 2, një galaktikë aktive me një qendër të padukshme në spektrin e dritës së zakonshme.
Burimi: botasot.info
