Kosova do të ballafaqohet sonte me Irlandën e Veriut në ndeshjen e tretë të edicionit të ri të Ligës së Kombeve.
Ndeshja do të zhvillohet në stadiumin “Fadil Vokrri” në Prishtinë me fillim nga ora 20:45.
Për ta mbështetur vendin e tyre, në Prishtinë kanë ardhur një numër i vogël i tifozëve irlandez, rreth 20, dhe ata kanë thënë se po ndihen shumë mirë në Kosovë.
Duke folur për KosovaPress, tifozi me emrin Neit Fentle ka thënë se pas kësaj vizite ka parë shumë gjëra pozitive në Kosovë dhe do të provojë të vijë përsëri këtu.
Fentle: Jemi të impresionuar me Kosovën
“Kosovën, ne në fakt përmes futbollit, kemi udhëtuar në të gjithë pjesët e ish-Jugosllavisë, dhe sa herë që e përmendim Kosovën, e dinim që ne duhej të vinim, të udhëtonim dhe të shihnim. Na pëlqejnë shumë çmimet e birrës dhe na pëlqen shumë moti. Kështu që ne kemi qenë shumë të impresionuar me Kosovën deri më tani, kështu që do të guxoja të them se patjetër do të përpiqemi dhe do të vijmë përsëri këtu.
Shumë, kosovarët janë të gjithë shumë miqësorë. Të gjithë na pyesin se nga jemi dhe pse jemi këtu, dhe më pas e kuptojnë, shumë prej tyre e dinë që ndeshja është sonte. Ndonjëherë ne shkojmë në disa vende dhe ata nuk e dinë se ndeshja po zhvillohet, por të gjithë me të cilët kemi folur sapo u themi se jemi këtu… për futbollin. Thonë oh, po, dhe pastaj thonë se do të shkojnë në lojë nesër mbrëma. Kështu që ne mund t’i shohim edhe atje.
Ka mjaft kosovarë që luajnë në ligat evropiane, veçanërisht në Itali. Pra, kjo është normalisht me një mendim, ju e dini, Kosova do ta bëjë ekipin e saj, ata e bëjnë atë me pikë, por ne në fakt jemi shumë të frikësuar për nesër mbrëma”, tha Fantle
Tifozi tjetër, Adam Poots ka deklaruar se ka gjetur në Kosovë një ambient shumë miqësor, ndërsa për ndeshjen ka thënë se Irlanda e Veriut do ta ketë shumë të vështirë ndaj Kosovës.
Poots: Njerëzit këtu janë shumë miqësorë
Po, hera e parë. Ndërtesa të ndryshme, peizazhe, njerëz miqësorë, mot i mrekullueshëm, thjesht është bukur të largohesh nga MB për disa ditë. Do të jetë një lojë e vështirë, Kosova është e fortë si nikoqire, por ekipin tonë ne do e mbështesim kudo që të shkojmë dhe shpresojmë që të kemi rezultatet tona dhe të arrijmë kompeticionin tonë, por shpresojmë se do të fitojmë.
Ian Chauch, një tjetër tifozë i pranishëm në Kosovë deklaroi se kjo është hera e parë që vjen në Kosovë dhe se është një vend shumë i bukur.
Church: Nuk kemi pritje të mëdha për ndeshjen me Greqinë
Emri im është Ian nga Irlanda e Veriut. Hera e parë që kam ardhur dhe më ka bërë shumë përshtypje, është shume bukur këtu. Njerëzit janë kaq miqësorë. Të gjithë na përshëndesin. Ata na shikojnë, na buzëqeshin, shumë të këndshëm. Nuk kemi një pritje të madhe për të qenë i sinqertë. Mendoj se Kosova është një ekip në ngritje, ku ne kemi pasur vështirësi në këtë garë. Nuk mendoj se do të futemi, më shkon mendja për çdo gjë për ndeshjen e sotme”, tha ai.
Kosova ka tre pikë pas dy ndeshjeve, kurse Irlanda e Veriut vetëm një sosh para përballjes së sotme në Prishtinë.
