Për disa t‘cilët, qëllimisht nuk duan t‘a kuptojnë, duhet popullorqe me u‘a thonë.
Qëllimisht, shkrimi shkruhet më shumë në zhargonin popullor se në atë letrar.
Pse?
Se; ose s‘po duan, ose s‘po kuptojnë….
Historikisht, shqiptarët në tokat – trojet e tyre etnike nga shumë pushtues u vranë u masakruan u dhunuan, çdoherë u tentua dhe diku me raste u realizua tjetërsimi i traditave kombëtare dhe njëkohësisht edhe nga trojet tona – shtëpitë, dhunshëm na dëbuan.
Qëllimi kryesor i pushtuesve, fatkeqësisht të shumtë dhe të njëpasnjëshëm historikisht:
Isht dhe mbeti një dhe vetëm një!
Shqiptarëve duhet, ndaluar arsimimin.
Asnjëherë të vetme rastësisht, mirëpo çdoherë qëllimisht, shqiptarëve i‘u ndalua arsimimi – shkollimi, me shkue në shkolla e me m‘sue.
Përsëri historikisht dhe qëllimisht, shqiptarët u drejtuan dhe po drejtohen kah kultet fetare.
“Kishat dhe xhamiat, janë shkolla”!
Asnjëherë dhe kurrë e vërtetë.
As nuk ishin dhe kurrë, s‘do jenë.
Sigurisht se keni lexuar dhe dëgjuar se; jo më largë se gjysmë shekulli – pesë dekada, femrave – vajzave shqiptare i‘u është ndaluar shkollimi, fatkeqësisht nga familjarët e tyre të paarsimuar dhe të drejtuar kah kultet fetare.
Na qenka “haram” shkollimi i vajzave shqiptare, ato duhet me qëndru në shtëpi dhe me u përkujdes për fëmijë, anëtarët tjerë të familjes dhe jo me shkue n‘shkolla se është “haram”!
Se në shtëpitë e kulteve fetare, kështu u‘a kanë thënë, nuk bën femrat me shkue në shkolla, madje kemi shumë raste që shumë femra shqiptare – gjyshet tona fatkeqësisht, s‘kanë ditur dhe disa që jetojnë ende s‘dinë as shrkim dhe as lexim.
Ky është mjerim.
Në kisha dhe xhamia, “fitohet dituria”, çdoherë kështu është thënë!
Aspak e vërtet.
E pranoni apo jo, shumë pak ka rëndësi, mirëpo realiteti i keq – hidhur, ishte ky, kështu.
Gënjeshtër, manipulim dhe tentim për jo shkollim, tjetërsim i traditave dhe sigurisht dihet se një popull i paarsimuar, shumë më lehtë edhe harron traditat, kulturën dhe asimilohet dhe tjetërsohet.
Çfarë ndodhi dhe po vazhdon të ndodhë, fatkeqësisht dhe mjerisht, sidomos pas luftës së fundit në Kosovë?!….
Për organizatat e shumta „humanitare“ të thirrura kinse për humanitet, ishin dyert e hapura ose si thotë populli më ra „luga në mjaltë“!
Hajde të veprojmë se; ky popull është i daluar nga lufta i dërrmuar i masakruar i dëbuar dhe sigurisht dhe mjerisht edhe në varfëri të skajshme i paushqyer dhe mundësia e manipulimit ishte thuajse 99%.
Tentimi i bërjes “temë” disaditore për bartjen e shamisë në shkolla është edhe një qëllim i radhës për tjetërsim të traditave kombëtare.
Asnjëher gjatë historisë nuk është bartur, shamia në shkolla.
Sigurisht; nga mos lejimi i arsimimit të femrave shqiptare dhe tani lejimi, mirëpo ndryshe, tjetërsimi me shamia.
Mos harroni, tjetërsimi ka marrë hov….
Qëllimisht, fatkeqësisht, mjerisht dhe çuditërisht!
