Tayna dhe Azet ka kohë që e kanë paralajmëruar këngën e re, të cilën do ta sjellin me videoklip.
Dy yjet e hip-hopit i kanë bashkuar forcat për të sjellë bashkëpunimin e titulluar “Tequila”.
Në bazë të njoftimeve të mëparshme, projekti i ri do të publikohet më 30 qershor (ditën e premte).
Gjatë të martës, në profilin e Doruntina Shalës në Instagram është publikuar një fragment i videos së ardhshme muzikore.
Të dy artistët numërojnë një sërë hitesh pas vetes, ashtu që edhe dueti i ri pritet të pëlqehet nga fansat e muzikës së tyre.
