Episodi i pestë i sezonit të tretë të serialit Euphoria ka lënë shikuesit të habitur për shkak të skenave të tij shumë provokuese, të cilat fansat i kanë cilësuar si “shqetësuese”.
Segmenti më i ri i serialit të HBO-së, i titulluar “This Little Piggy”, nis me personazhin Cassie, të luajtur nga Sydney Sweeney, duke regjistruar përmbajtje me fetish për faqen e saj në OnlyFans.
Në disa skena, ajo shihet duke realizuar video provokuese për platformën, ndërsa më vonë shfaqet topless përpara një klienti.
Menaxherja e saj, Maddy Perez, e interpretuar nga Alexa Demie, e ndihmon gjatë xhirimeve dhe në një moment i kërkon të jetë edhe më provokuese para kamerës, teksa Cassie pozon me një kostum të frymëzuar nga marinarët.
Një tjetër skenë e serialit e paraqet Cassie duke realizuar përmbajtje ASMR e veshur me të brendshme të bardha, ndërsa pëshpërit në mikrofon: “Përshëndetje, jam vajza juaj e preferuar e ëndrrave”.
Seriali ka nxitur reagime të shumta në rrjetet sociale, ku shumë shikues e konsideruan episodin ndër më të guximshmit dhe më kontroversët deri më tani.
Burimi: botasot.info
