Mehdi Haxha, zyrtar financiar në Postën e Mitrovicës ka dy javë që është i suspenduar nga puna. I njëjti akuzohet për keqpërdorim të pozitës zyrtare.
Ai dyshohet se në mënyrë ilegale ky morri një shumë prej më shumë se 7 mijë e 500 euro nga paratë publike.
“Unë e kom pas një rast familjar në atë kohë, një grua të vëllait e kam pas me kancer, e ndjera s’ka pas fatin me jetu, përkohësisht i kam marrë”, thotë Mehdi Haxha, ish zyrtar i financave në Postën e Mitrovicës.
Të hollat arriti t’i marrë, fal bashkëpunimit të Valon Zeqirin, i cili ishte arkatar në Postën e Skenderajt, e që i njëjti është i suspenduar nga puna.
Përveç këtyre të dyve, nga puna u suspendua edhe menaxheri kryesor, Faruk Hamza dhe Haxhi Geci, Kontrollor i Zyrës Postare në Skenderaj.
Bashkë me ta janë edhe Nexhmia Haxha, Koordiantore e Financave si dhe Kimete Kodra Përgjegjëse e Zyrave të Postës në Skenderaj.
