Sulmet vdekjeprurëse të lopëve bëhen çështje në zgjedhjet e shtetit indian

Ram Raj ishte duke pirë çaj në shtëpinë e tij në shtetin verior indian të Uttar Pradesh në një mbrëmje të ftohtë nëntori të vitit të kaluar kur një lopë endacake e sulmoi atë. Fermeri 55 vjeçar nga plagët e rënda ndërroi jetë rrugës për në spital.

Sulme të tilla janë bërë të zakonshme në shtetin më të populluar të Indisë, ku ndalimi i therjes së lopëve ka çuar në një rritje të madhe të popullsisë së bagëtive raporton “BBC”. Lopët janë kthyer në një problem në zgjedhjet e ardhshme të shtetit, të cilat do të nisin më 10 shkurt. Hindutë e konsiderojnë lopën të shenjtë, por deri shumë vonë fermerët i çonin lopët e tyre të vjetra në thertore.

Qeveria e udhëhequr nga Partia Bharatiya Janata e kryeministrit Narendra Modi ka goditur rëndë therjen e lopëve në përputhje me axhendën e saj të krahut të djathtë hindu dhe praktika tani është e paligjshme në 18 shtete, duke përfshirë Uttar Pradesh. Kryeministri Yogi Adityanath i shtetit Uttar Pradesh që është një udhëheqës i linjës së ashpër të Partisë Bharatiya Janata mbylli disa thertore të supozuara të paligjshme pasi erdhi në pushtet në 2017 dhe pse ky ishte një biznes i madh në vend, i cili është një eksportues i madh i mishit të buallit. Tregtarët e bagëtive, shumë prej tyre myslimanë ose dalitë janë sulmuar dhe vrarë nga vigjilentë të lidhur shpesh me Partinë Bharatiya Janata ose grupet lokale të krahut të djathtë.

Shumë prej tyre kanë hequr dorë nga biznesi, nga frika e blerjes apo transportit të bagëtive dhe fermerët tani thjesht braktisin lopët e vjetra dhe joproduktive. Këto bagëti endacake shihen shpesh duke ecur nëpër qytete dhe fshatrat e shtetit Uttar Pradesh, ku fermerët dhe vendasit thonë se janë të uritura dhe bëhen agresive. Partitë opozitare po e trajtojnë këtë çështje në një shtet kryesisht rural ku fermerët janë një bllok votues vendimtar.

Zëdhënësi i qeverisë, Sameer Singh, tha se qeveria po “shpikte strategji të reja” për t’u marrë me problemin. Lopët janë menduar të strehohen në strehimoret e lopëve dhe qeveria e zotit Adityanath ka ndarë miliona rupi për të ndërtuar më shumë strehimore. Ata vendosën gjithashtu një taksë të veçantë për alkoolin për të mirëmbajtur mijëra strehimore të lopëve të drejtuara nga shteti, por kjo nuk e ka zgjidhur problemin.

GAZETA.MK

Story i mëparshëm

Pakica bullgare në RMV-së hyri në Kushtetutë me kodin shtetformues…!

Story i radhës

MC Kresha së shpejti baba për herë të dytë, jep lajmin nga Kanadaja: Jemi në pritje të një djali

Të fundit nga

AlbanianMacedonianEnglish