Sulm me thikë në Irlandë, një i plagosur rëndë

Një person është dërguar në spital me lëndime të rënda pas një sulmi me thikë në veri të Belfastit. Autori mësohet se është arrestuar dhe mbetet në paraburgim.

Ngjarja ndodhi në Kinnaird Avenue rreth orës 22:30. Shërbimi i Ambulancës së Irlandës së Veriut mori një telefonatë për sulmin. Menjëherë pas njoftimi shkuan në vendngjarje.

Pas vlerësimit dhe trajtimit fillestar në vendngjarje, viktima u dërgua në Spitalin Royal Victoria. Deputeti i Sinn Fein, John Finucane e quajti sulmin të tmerrshëm.

“Kjo është thellësisht tronditëse, nuk ka vend për dhunë të asnjë lloji në komunitetet tona”, tha ai.

Këshilltari i Partisë Demokratike Unioniste (DUP), Jordan Doran, tha se ishte i tronditur dhe thellësisht i shqetësuar nga pamjet që qarkulluan në internet pas sulmit me thikë.

“Dhuna e kësaj natyre nuk ka vend në Belfastin verior”, shtoi ai.