Si duket gara për golashënuesin më të mirë në Superligën e kadetëve do të jetë mjaft interesante, por duket se talenti i Kumanova Milano 2010, Agan Sulimani, do të jetë një nga pretendentët e “Këpucës së Artë”, shkruan Open-TV.
Sulimani është në formë të mirë dhe në xhiron e javës së gjashtë, e cila u luajt në fundjavë, ai shënoi gol duke kontribuar në fitoren e ekipit të tij ndaj Pelisterit me rezultat 4-3. Sulimani e shënoi golin nga penalltia për rezultatin 3-2.
Pas këtij goli, fantazisti i ri kumanovar arrin në kuotën e 4 golave të shënuar në Superligë.
Sulimani i ka shënuar gola: Rabotniçkit, Makedonija GJP, Shkupit dhe Pelisterit, të gjitha ekipe këto cilësore.
Listën e golashënuesve e kryeson Altin Aliji nga Makedonija GJP me 8 gola.
Por jo vetëm kaq, talenti i kumanovar ka edhe nëntë asiste që kanë ndihmuar në shënimin e golave nga bashkëlojtarët. Kumanova Milano 2010 ka shënuar 17 gola, që është një efikasitet i lartë.
Kumanova Milano 2010 në tabelën e klasifikimit renditet në vendin e gjashtë me 9 pikë nga gjashtë ndeshje (tre fitore dhe tre humbje), aq sa ka edhe Rabotnicki në vendin e katërt. Makedonija GJP është lidere me 16 pikë.
