Valët e mëdha prej disa metrash të shkaktuara nga stuhia në Antalya dëmtuan anijet dhe shkaktuan ndërprerje të transportit në rajonin turk, raporton Anadolu.
Kushtet e motit në rajon ndikuan negativisht në jetën e përditshme në qytet. Për shkak të dallgëve të shkaktuara nga stuhia, një varkë në Marina u përmbyt dhe shumë të tjera u dëmtuan.
Krahas kësaj, dallgët kanë mbërritur edhe në rrugë, ndërsa qarkullimi në bulevardin Akdeniz është zhvilluar me një korsi në disa pika.
Ekipet e policisë paralajmëruan ata që shëtisin përgjatë bregdetit të jenë të kujdesshëm.
Për shkak të stuhisë, në plazhe shihen pak turistë.