Stranger Things 4 është bërë seriali më popullor në gjuhën Angleze në Netflix pas premierës së dy episodeve të fundit.
Gjiganti i streaming zbuloi se filmi është parë 1.15 miliardë orë në 28 ditët e para të debutimit. 7 episodet e para kishin një shikueshmëri prej 930.32 milionë orë ndërsa episodet 8 dhe 9 arritën 221 milionë orë shikueshmëri gjatë javës 27 Qershor – 3 Korrik.
Kështu bëhet seria e dytë pas Squid Game që ka kapërcyer 1.65 miliardë orë në 28 ditët e para dhe që aktualisht mban titullin si shfaqja më e shikuar në historinë e Netflix.
Ende Stranger Things 4 ka potencialin për të tejkaluar hitin Korean dhe kanë kaluar vetëm pak ditë që kur dy episodet e para dolën.
Por Netflix nuk tregoi nëse popullariteti i serialit ka pasur impakt në numrin e abonentëve. Në 2021 kompania postoi rritjen më të madhe të abonentëve por në Prill të këtij viti humbi 200 mijë abonentë. /PCWorld Albanian
