Emocionet e garës jashtëzakonisht kompetitive zënë vend gjatë të shtunës, gjysmëfinalet, dhe të dielën, finalet.
Në konkurrencën e femrave, liderja e Superligës A, Drita ndeshet me Skenderajn, ndërsa në përballjen tjetër M. Technologie ndeshet me Fer Volleyn.
Te meshkujt, liderja e padiskutueshme e sezonit të rregullt në Superligën A, Peja luan kundër Dritës në gjysmëfinalen e parë, ndërsa Ferizaj-Luboteni është çifti tjetër.
FVK fton volejbolldashësit të përcjellin nga afër ndeshjet në Palestrën ‘1 Tetori’, në mënyrë që të krijohet atmosferë festive dhe motivuese për ekipet e përfshira.
Finalet, në të dy konkurrencat, transmetohen direkt në Radio Televizionin e Kosovës (RTK).
