Snoop Dogg ka njoftuar të dielën se ka anuluar të gjitha koncertet e mbetura të këtij viti.
“Të dashur miq dhe fansa. Për shkak të konflikteve të paparashikuara të planifikimit, duke përfshirë detyrimet familjare dhe projektet e ardhshme televizive dhe filmike, Snoop Dogg shpreh keqardhje që po anulon të gjitha programet e ardhshme, datat e turneut për pjesën e mbetur të vitit 2022”, thuhet në deklaratën e postuar në Instagramin e reperit.
“Ai ishte i emocionuar kur shihte të gjithë fansat e tij në mbarë botën dhe u kërkon falje atyre që kishin bërë tashmë plane për të parë atë”, vazhdoi deklarata për Snoop. “Ai mezi pret të ricaktojë datat në të ardhmen. Rimbursimet e biletave do të jenë të disponueshme në pikën origjinale të blerjes”.
Deklarata përfundonte, “Snoop Dogg është ende i përkushtuar ndaj datave të mbetura të turneut të tij në ShBA për pjesën tjetër të vitit 2022”.
Para anulimit, Snoop ishte planifikuar të performonte koncerte në të gjithë Evropën nga 26 gushti deri më 19 shtator.
