Grupi i tifozëve të skuadrës së Gjilanit, përkatësisht kryesia e tyre kanë reaguar ashpër pas sulmit të bërë nga disa persona ndaj portierit të Ballkanit Sitivi Frashëri i cili mbeti i lëdnaur dhe po vazhdon të qëndrojë në spitalin e këtij qyteti.
Përmes një njoftimi të lëshuar në faqen e tyre në “Facebook”, “Skifterat” kanë bërë të ditur se e kanë vizituar në spital portierin e Ballkani dhe i kanë shprehur keqardhje për atë që ka ndodhur në fushë të dielën.
Ata kanë thënë se distancohen nga ky akt i shëmtuar, derisa kryesia po ashtu ka dhënë dorëheqje të parevokueshme
Kjo është komunikata për media e lëshuar nga grupi i tifozëve “Skifterat”:
Kryesia e Skifterave ka vizituar në ambientet spitalore Stivi Frashërin për të parë nga afër gjendjen e tij shëndetsore dhe për të shprehur keqardhje për ndodhinë!
Gjatë pjesës së dytë individ nga tribuna vendase janë ofenduar anasjelltas me portjerin musafir dhe në momentin e golit nga euforia e futjes në fushë, një person ka shtyrë Frashërin dhe një tjetër e ka shkelmuar, ndërkaq kanë qenë kryesia e Skifterave të cilët i janë hudhur sipër për ta mbrojtur!
Distancohemi publikisht nga ky akt i shëmtuar, nuk është në traditën tonë sulmi ndaj lojtarëve të futbollit, përtej kësaj kundrejt një ekipi si Ballkani dhe tifozëve e qytetarëve të Suharekës që gjithmonë na kanë bërë të ndihemi si në shtëpinë tonë!
Kushdo me qëllim njollosjen e vlerave tona sportive dhe tifozerike duhet të përgjigjet për veprimet e veta!
Kryesia e Skifterave e indinjuar thellësisht nga ngjarja deklarohet për DORËHEQJE të PAREVOKUESHME si bartës të organizimit dhe paraqitjeve të grupit!
